- dernier
- Dernier, m. ac. Est fait par syncope de ce mot entier Derrenier, usité non seulement par les anciens François, mais par les modernes aussi, comme se peut voir en la missive de l'Admiral de Bryon, escrite au Roy François detenu à Madrid. Le sixiesme, dit-il, et derrenier, qu'il ne fut tenu en parlant de Bourbon. Mais parce que Derrenier vient de ce mot Derrain, il semble qu'il deust estre escrit par ce diphtongue ai, Derrainier, auquel les François donnent le son (soit par us, ou par abus) de la lettre e, comme en ce mot faire, et semblables: l'Espagnol disoit, et use en aucune contrée encores de ce mot Derradero, qui symbolise {{o=s'ymbolise}} à Derrenier. Et tous deux semblent venir de ce mot Latin, Retro, comme si on disoit De retro, que le François dit Derriere, composé de ces deux mots De Riere, mais il double la consone, R, n'en faisant qu'un seul. Et cela se void en ce que Dernier envers les François ne signifie pas seulement ce que Vltimus Superlatif envers les Latins, ains encores celuy qui suit le premier, eu esgard à iceluy premier, sans plus. Ce que donne assez à entendre cette locution Françoise, usitée par tout, Il est tout le dernier, Postremus. Et cette-cy, Le dernier de tous, si ce n'est qu'on voulust subtiliser en telles locutions, disant: que le dernier, et le dernier de tous, n'est pas dit pour donner à entendre que ceux qui sont entre le premier et le dernier, soient subalternativement derniers, les subsequens des precedens, ains comme les Latins disent, Vltimus omnium, pour monstrer qu'en celuy-là la longue suite, et le long train prennent fin. Quoy que ce soit dernier presuppose rang, et ligne ou degré, qui sont contez par unité. Si qu'en pluriel on dit les derniers de tous qui vindrent à la meslée, furent les Anglois, c'est à dire le dernier esquadron, qui vint au combat fut celuy des Anglois.Le dernier ou la fin de tous est la mort, Extremum omnium mors.Estre des derniers et moins estimez In nouissimis esse.N'estre point des derniers, Non in postremis esse.Je ne seray pas des derniers à cela faire, Non in posteriores feram, Subaudi partes.Je ne seray pas le dernier, ou des derniers, Non posteriores, aut postremas feram B. ex Terent.Au dernier, Extremo.Pour le dernier, ou la derniere fois, Postremum, Supremo, Vltimum.Derniere, f. penac. Vltima.
Thresor de la langue françoyse. Jean Nicot.